Bantul, Senin (3/8/2026) – Dinas Perpustakaan lan Kearsipan Kabupaten Bantul lumantar Tim Borang Perpustakaan nglaksanakaken kagiyatan penataan malih rak koleksi buku ing Lantai 1 Perpustakaan Daerah Kabupaten Bantul, Senin, 3 Agustus 2026. Kagiyatan menika dipun biyantu kaliyan para mahasiswa Praktik Pengalaman Lapangan (PPL) ingkang ugi ndherek paring pambiyantu wonten ing proses penataan koleksi supados langkung tertib, sistematis, saha gampil dipun akses déning masyarakat.
Penataan rak koleksi menika minangka salah satunggaling upaya kangge ningkataken mutu layanan perpustakaan dhumateng para pemustaka. Kagiyatan menika kalampahan kanthi nata malih koleksi buku manut klasifikasi, ngumpulaken bahan pustaka adhedhasar subjek, saha mesthekaken bilih saben koleksi mapan wonten ing papan ingkang trep supados nggampilaken proses temu malih informasi. Wonten ing kalampahanipun, Tim Bidang Perpustakaan sesarengan kaliyan para mahasiswa PPL makarya kanthi semangat gotong royong. Sinergi saha sesarengan menika mujudaken wujud komitmen kagem ndhukung pengelolaan perpustakaan ingkang profesional, tertib, saha selaras kaliyan standar pengelolaan koleksi perpustakaan.
Liwat penataan malih menika, kaajengaken para pemustaka saged langkung gampil anggenipun manggihaken buku ingkang dipun kersaaken tanpa ngraosaken reribedan nalika nelusur koleksi. Rak ingkang katata kanthi rapi ugi badhé maringi raos nyaman dhumateng para pamiarsa nalika migunakaken layanan perpustakaan, saha ningkataken efektivitas layanan ingkang kaparingaken déning para petugas.
Sanes maringi gampil dhumateng para pemustaka, kagiyatan menika ugi gadhah ancas njagi kawontenan koleksi supados tansah awet saha kauri-uri, nggampilaken inventarisasi, sarta ndhukung pengelolaan koleksi kanthi lestantun. Penataan koleksi dados pérangan ingkang wigati kangge mujudaken perpustakaan ingkang informatif, tertib, nyaman, saha ramah tumrap sedaya lapisan masyarakat.
Kepala Bidang Perpustakaan, Ibu Endri Astuti, S.IP., ngaturaken panuwun saha apresiasi dhumateng sedaya staf Bidang Perpustakaan saha para mahasiswa PPL ingkang sampun aktif ndherek nyengkuyung kagiyatan menika. Kaajengaken semangat sesarengan saha kolaborasi menika saged tansah kauri-uri minangka bagiyan saking upaya ningkataken mutu layanan Perpustakaan Daerah Kabupaten Bantul.
Miyos kagiyatan penataan rak koleksi menika, kaajengaken layanan Perpustakaan Daerah Kabupaten Bantul saya sae, saéngga para pemustaka langkung gampil anggenipun manggihaken koleksi buku ingkang dipunkajengaken. Kajawi punika, kagiyatan menika kaajengaken saged maringi kemudahan dhumateng masyarakat anggenipun ngupadi informasi, nambah wawasan, saha ngrembakakaken budaya gemar maos. Mugi Perpustakaan Daerah Kabupaten Bantul tansah dados papan sinau ingkang nyaman, tertib, profesional, inklusif, saha migunani tumrap sedaya lapisan masyarakat.
